Ngumpul-Ngempel- Ngenthel

Ngumpul – Ngempel – Ngenthel:

    Bali meneh marang gagasan: Ngumpul-Ngempel-Ngenthel. Gagasan  iki tuwuh ing wektu awake dhewe mbeneri kumpul ono ing emper Rumah retret Nazareth mburi greja Karang Panas Semarang. Wektu kuwi sedulur Nursih mbukani pertemuan kanti maringi sesorah yen awake dhewe iki ngumpul ben sansoyo ngempel, dak tambahi supaya dadi ngenthel. 

    Sakjane sing dikersake kepriye? Ato podho digagas ben sansoyo jlentreh, sansoyo kethok, iso dipahami. 

   • NGUMPUL:

   Ngumpul iku podho ketemu, adu-arep. Sing ketemu podhp weruh rupane, dhedhege, prejengane awake. Opo wae sing ono ing awake sedulure (kancane) dimangerteni njobo njerone. Yo bagise, yo sandhangane, yosolah bawane, lan liyo liyane; mganti mbok menowo uga sakleraman kethok panggraitane pikirane lan praupane: gambiro, sedih, sudah, nyenengke, njengkelke, duwe sifat mekso, suwalike manut, nrimo, lan liyp liyane, kabeh kathon lan iso diamati ing wektu ngumpul mau. 

NGEMPEL:

    Amargo ono ngumpul mau, roso paseduluran luwih diraketake. Podho rumangso raket amargo podho-podho duwe ciri ciri kang podho. Umpamane: sak almamater, podho podho nasibe wong jeblinger, duwe spiritualitas podho, sakanggotapaguyuban, lan opo wae sing marakake dadi guyub-manunggal

   Lha kabeh iku mau iso marakake awake dhewe, sing kumpul iki dadi raket lan banjur ngempel, koyo-koyo ora idipisahake meneh. Wusono, gawe cap, jeneng , amrih ngempele iku mau  kawistoro. Nah ketemu jeneng, kang aran: PBMN Jateng, amargo dununge poro anggota ono ing laladan Jawa Tengah. 

     Anane jeneng iku mau dadi tengere paguyubane  wong-wong kang guyup rukun , rumaket dadi ngempel. 

Ngempele wong wong PBMN Jateng iki mau saktleraman koyo mandeg, kadyo gunung kang njegeneg tanpo obah. Lha kahanan sing mandeg koyo ngene iki sing disebut cukup ngempel wae, ora duwe target opo-opo. Paguyuban sing koyo ngene iki butuh nyowo. Nyowosing iso nggerakake paguyuban dadi ngenthel. Kabehwae ing paguyuban mesti ono anggotane sing kreatif duwe pikiran sing positi tumrape paguyuban. Nahanggota sing koyo ngene iki sing dibutuhake supopyo paguyuban duwe nyowo. PBMNJateng opo wis duwe nyowo, akeh… saben anggota mestine dadi nyowo, kanthi mengkono paguyuban bakal dadi ngenthel, ora mung mandheg ing ngempel. 

NGENTHEL :

    Amargo wis ngumpul wusono kudu dadi NGETHEL. Tembung ngenthel iku mau dumadi soko tembung linggo ‘kenthel’ entuk awiksasi tembung anuswara ‘ng… ‘malihdadi tembung ‘ngenthel’. Tembung ‘ngenthel’ iku sastro jowone diarani tembung ‘kriyo tandhuk’. Tembung kriyo kuwi ing bahasa Indonesia diarani ‘kata kerja aktif’ , mula tembung kriyo kuwi mau duwe konotasi nyambut gawe. Diarani ‘tandhuk’ duwe karep maju mengarep, maju mengarep iku mau mesti ono jangkane laku tumindak. Yen wis mlaku, tegese ono perkembangan maju mengarep ora mundur. Mulane PBMN kudu duwe sifat “Ngenthel”, nduweni semangat maju, ojo mung mandhek wae , ora ngempel amem , mandheg. 

    Bali marang awake dewe sing wis tau ngumpul-ngempel iki, ayo gumregah-tangi nduweni inisiatif lan pikiran sing kreatif , kepriye mungguhe paguyubane awake dewe iki bisa maju, tambah grengseng gawe roso seneng andarbeni paguyuban

   Moga kanthi berkahe Gusti, PBMN-ne awake dhewe sing wis ngempel iki urip, duwe nyowo… Sopo?  Yo awake dhewe kabeh iki. 

   Daksuwun, thukul ing pribadine awake dhewe kabeh iki thukul roso pangroso sympaty lan impathy marang siji lan sijine sedulure awake dhewe iki. Podho duwe karep bejo bareng (Bahagia bersama), ojonganti ono sing susah, prihatin, amargo ora dipaelu karo liyane. 

Wusono kanthi mengkono paguyuban iki mau kethok olehe ngenthel, ora ono sing ketriwal, sing sengkleh rumongso ora ditulungi. Mulo ato podho dilari sedulure dhewe sing rumongso tersisih, dikiwake. Sedulur-sedulure Wake dewe sing duwe roso ngono mau, dirangkul lan diwenehi ” attensi” sacukupe. Wujud attensi iki mau biso warno-warno miturut butuhe sedulur sing ditulungi. Singdurung duwe gawean yo diewang-ewangi nggoleke, sing lara yo disambangi, yen butuh dibantu tuku obat yo urunan sak anane, sing keluargane rodho pathing brekeneng yo dijejeri diwenehi solusi saran, mengkono lan liyo-liyane. 

   Kanthi mengkono ora bakal ono anggota sing alok rumongso ora dikaruhke, ora dienggo, nlongso gremengan dhewe “lahopo dadi anggota PBMN, ora ono untunge”. Wah yen nganti ono sing ngono kuwi, awake dhewe sing ” dosa” , sing salah. 

    Gagasan dhuwur mau sing dakgagas lewat refleksi lan perenunganku bakdho bali soko pertemuan tgl. 21 November 2021 , dino ngahad wingi. Moga-moga ono sedulur iyo sing kerso njangkepi utowo paring urun- urun pamikiran liyane sing sangsoyo pangerten iki tambah mentes. 

   Matur nuwun marang poro kadhang PBMM Jateng, kabeh wae sing kerso nggatekake pamikiranku iki. Yen ono suwek cewete lan benthet gempile aturku, aku nyuwun pangapuro kang njembar. 

   Moga, kinanthen berkahe Gusti, paguyubane awake dhewe iki sansoyo iso dadi sarono “Kawilujengan Dalem Sang Kristus”.Luwih unggul meneh PBMN biso dadi pangejowatahe ” kraton Dalem Sang Kristus”.

Purwa Sumarto, PBMN